لمن يعرفني او لا يعرفني فقد قدر الله علي ان اكون احد موظفي منظومة البترول المصريه
فرغت لدي ابنوبتان واودعتهم حارس العقار للتبديل بسعر السوق الساري 15 جنيه منذ 20 يوم
اتصل بي الحارس في ذات اليوم وقال لي الانبوبه ب30 جنيه اغيرهم لك من التاجر
بناء علي موقف اتخذته ضد الفساد والجشع وبناء علي نصيحة امام المسجد ( ان لا نتعامل معهم وان اموالهم حرام لاستغلالهم حاجة الناس وان من يتعامل معهم محرض لهم علي الاستمرار )
وعلية رفضت
عندما عدت قال لي البياعين كلهم ماسكين علي 30 و 35 جنيه
رفضت وقلت اصبر
اتصلت باصدقاء لي بشركة بتروجاس استفهم ؟؟؟؟ هل هناك ازمه ؟؟؟ اجابني انا لسه نازل من علي المظله ولا توجد ازمة والمراكب بتفرغ حمولتها والتصنيع شغال وكله تمام !!!
تعجبت ارتقيت بالمستوي الاداري لمعارفي الي جار لي بالمعاش تصله الانابيب هاتفيا من قسم الطوارئ
سألته ان يضمني في طلبه للانابيب ما احنا ولاد قطاع واحد ولو هناك ميزة لابناء طبيعه العمل ينوبني من الحب جانب
الخلاصة لا حس ولا خبر الله اعلم باسبابه
المهم بعد فترة سألته انت نسيت قال لا بس انا قلت للحارس انه يبلغك ان في ازمه وان الانابيب بتطلع من الشركه مع حراسة خاصه
بس انت روح و بالشركة شباك هيدولك منه طلما انت من ابناء القطاع
بصراحه انا لا احب الكلام الكتير
بحثت حتي وصلت لرقم طوارئ الانابيب (19096) واتصلت استفهم !!
رد علي الموظف انا خاص بتلقي شكاوي الانبوبه ( منفسه او بها مشكله بالمنظم لارسل لك سيارة طوارئ للتعامل مع الموقف واخطرك بالاجراء المتبع للحفاظ علي الارواح)
قلت له بس افدني اقرب مكان اجيب منه انبوبه من مدينة نصر الانابيب لها 20 يوم فارغة واللي شغالبيها يوم او التاني اكيد هتخلص
رد مستودع الزهور اللي في عباس العقاد
رديت انه مغلق ولا تعامل به من شهور
رد بس انا عندي علم انه بيعمل ؟؟؟!!!
كدبتش خبر طيران يا ناس مكان انا عرفه وعارف طبوره وساعه ولا حتي اثنين هاغير الانبوبه
وصلت لاقيت سيارة نقل بيضاء خلف المستودع وحولها انابيب كثيرة
قلت خير لفيت لا حس ولا خبر
ولا حتي غطاء انبوبه
لفيت تاني ونزلت علي العربيه
رد الراجل نزل انبيبك هنا وخد اثنين
ايه الحلاوه دي صحيح شكة دبوس
باديلوا 10 جنيه اصلهم انبوبتين
رد لا كمان عشرة بعشرين !!!!! هو انت معاك كام انبوبه رديت 2 رد يعني 40 رديت ازاي
رد يا استاذ ده انا سريح وواخد الوحده من المستودع ب18 !!!!
لفيت تاني ودخلت المستودع وجدت مجموعه موظفين فاتحين الجرنين
سلمت واحد بطقتي
وسالته عاوز اغير انابيب
قال المستودع ده مقفول من 7 شهور
رديت ان لسه مكلم بتروجاس ودلوني علي هنا
رد
يا محترم احنا مش تبعهم احنا شركة بوتاجسكو
رديت والانابيب اللب بره
رد مش تبعنا دول السريحه وملناش دخل بيهم
اتصلت 19096
وابلغت اللي حصل رد الموظف هي شركه مش تبعنا
طيب العربيه اللي عندك عليها لوجو
قلت لا ( ياليت تفيدني اعمل ايه الانابيب لها 20 يوم انا زميل )
قال طيب مدام كده اوصل المصنع وبالكرنيه هيسلموك علي البوبه
قلت خير
وعلي المصنع طيران تاني مره
الامن
سلمته البطاقة وعرفته بنفسي واللي انتوا عرفينه كله
رد طيب هو هنا ممنوع يااستاذ لازم تروح المستودع
قلت قفلوه اللي في الزهور
طيب قلي اللي في المقطم فين
قال الزهور والمقطم كله في مكان واحد علي طول من هنا في القطاميه
رديت انت عارف اللي فيها
قال انا من هنا ممنوع بس اصبر لو سواق من اللي خارجين رضي
صبرت
وسألت وعرفت
وكان في اثنين جالسين جنبه ساكتين
هو في ازمه عندك ... لأ مش المراكب بتوصل بانتظام ........آه
امال اليه اللي بيحصل الله اعلم
ايه العربيات دي كلها تبعكم ..........لأ دول موزعين
جابو منين الاف الانابيب دي
لازم حد ادني لهم علشان يكون موزع
بتبيع الانبوبه بكام للموزع بالسعر الرسمي 2.65
يا فلان الموزعين بام والرد في نفس واحد لاكثر من واحد2.40 قرش
(حسبي الله ونعم الوكيل )
والنصاب بيبعها ب20 جنيه
القصد انتظرت بادب
ناس تيجي وناس تروح
وناس تتلم عوزين انابيب ويرد برفض
اصل انا واقف بدون ملحقات يعني فردي وبادب وبشورت كمان
مواطنين اتلموا واتكاتروا عليه قلهم يا ناس ده مصنع مش مستودع التموين هو اللي مسئول عن التوزيع واشار علي الاثنين اللي جالسين علي جنب من بدري
يا عم بتاع التموين يهديك يرضيك احنا مواطنين مش بياعين وادي البطاقه بس خلي اي سواق يبدلنا دول كلهم ميجوش 10 انابيب
ابدا
ابدا
والسيارات تخرج محمله
المهم عرفت ان سيارة خارجه الي مستودع القطاميه
همست في اذن موظف الامن دي ريحه القطاميه
قال اه قلت من باب العلم اعرف فين المستودع انا لي ايه غير مصلحتي
طبعا وصف موظف الامن للطريق انه طوالي لا يمين ولا شمال 3.5كم
روحت خلف السيارة ولاقيتها بتغير خط سيرها
سألت السواق رد القطاميه
خلتني وراه تبعني سيارتان
وصلنا المستودع اخير فين في الجبل
انا معرفش اروح تاني ولو روحت اكيد هاتوه
روحت ووقفت في الطابور
وبعدين لفيت حول المخزن لاقيت شباك تاني عليه سيارات نصف نقل وسزوكي كتتتيييير
دخلت لاقيت سيارات بتجاسكو جوه كتير
ياعم عاوز انابيب انتو عارفين الباقي
المهم وقفت
التريلا خلصت وروحت
اتجنينا ده مفيش غير 10 15 انبوبه بس اللي خرجو من الشباك
د\خلت افهم
رد الافندي حصتكم خلصت
اتجنيت اكتر
اد ايه حصتنا دي
ولينا ولا للبوابين والتجار
رد عيب يااستاذ دول شباب الخريجين لهم حصه وانتم حصه
اد ايه حصتنا وابتديت اتعصب
وانت مالك
انا مواطن وحقي اعرف
السياره فيها كده انتم مواطنين لكم كده والتجارة كده
يا استاذ بلاش دوشه
اد ايه الحصه
خلصت
يعني ايه 10 هم اللي خرجوا من الشباك عشره
وادي الصندوق يشهدا فاضي والمستبدل منه 30 تقريبا وباقي الحصه نزلت علي سيارات بتجاسكو والباقي منتظر يتحمل علي سيارات المعلمين قال ايه قال شباب الخريجين 50 سنه و45سنه و60 سنه ومعلمين وفتوات شباب خريجين
رحت مطلع موبيلي وهاصور
جم يجروا ممنوع يا استاذ ممنوع
قلت اعرف حصتنا كام من كل تريلا
راح الونش الشوكه ناقل حمله امام الشباك
خلاص خلاص بس كل واحد انبوبه
خليني وراء الكذاب
وقفت طابوووور تاني
وفجأه تريلا تانيه وصلت
البوابين والسريحه بانبوبتين يبقي كل واحد هياخذ اثنان
سألت موظف رد طيب هاديلك اثنين
روحت جايب انبيبي في الطابور
واستنيت المهم راجل شكله محترم يبدوا انه بيراقب من بعد
قعد يبادي علي موظف الشباك هات 2 هنا هات 2 هنا ردت ام احمد ليه يااستاذ
قال ده بترول وبنظاره ومش تاجر خلصينا منه
طلعوا انبوبتين وانا عامل مش واخد بالي وراح نده لي
يا استاذ اتفضل
كان بقي لي 6 افراد علي الشباك يعني 12 انبوبه ده لو محدش اخترق الطابور
كام 6 جنيه الانبوبه
سلمته 12 جنيه ودحرجت انابيبي امامي لعربيتي
واتحركت ادور منين هاروح
وانا خارج من المدق الي الطرق اللي المفروض متسفلت كانت التريلا رقم 3 وصلت
يعني بالساعه الواحده 3 تريلات
يعني مفيش ازمه
الخلاصه والحل المقترح
الرقابه علي التموين ومن التموين
ايه الفرق بين الموزعين وشباب الخريجين
ما كلهم يملو من المصنع والمستودع للمواطنين
تسليم الانابيب بناء علي طلب برقم البطاقه من مراكز لتلقي الطلبات والاستلام بالبطاقه
يعني ايه منها 2.4 وتوصلنا ب35 و50 جنيه
علي جميع أأمة المساجد والخطباء التنبيه المشدد علي مقاطعت المستغلين
لردعهم لابد من مقاطعتهم
هيفضل معاهم انابيبهم مليانه والمستودعات تلبي طلبات المواطنين فقط لان الباقي مليان مش بيتباع
....يتبع
